pep.zone
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


am - Newest pictures
anbiyah.pep.zone

☼╮☼╮4╭☼╭☼.

Ye khabar namrud tak bhi pohnch gai aur wo bhi ye kefiyat sun kar nihayat hyran aur pareshan..

Aus ne apni rihaya me se jo sanjida log the aun sub ko talab kiya take ko mashora kiya jaye aur aus mujrim ko jisne hamare maabudon ke sath ye na zeba harkat ki hai ause saza dijaye..

badshah namrud ne apni qom ke bare bare sardaron chohdariyon ko bulaya aur khub mashore kiye.

Aakhir ye teh paya ke aik aam darbar munakid kiya jay aur jub tama log aus darbar mein hazir ho jayen to phir aus nojawan ko bhi talab kar liya gya..

Jub darbar e shahi ka wakt aaya to sub ne badshah e wakt ke hukam ki taamil ki aur darbar mein hazir hogye..

Jub majma jama hogya to namrud ne Hazrat Ibrahim alysalam ko bulwaya..

Hazrat Ibrahim alysalam ko sare majme ne aur phir khud namrud ne bohat daraya dhamkaya aur kehne laga ke ye kam hamare buton ke sath tumne he kiya hai ..

Ay ibrahim afsos hai tumne sub ko he tor diya kisi ko bhi sabut nahi chora aakhir ye kya bat thi..

Darbariyon ki ye baten sun kar Hazrat Ibrahim alysalam bole maine to inhe nahi tora hai..

Phir kafiron ne bila israr Hazrat Ibrahim alysalam se pucha..

ALLAH Paak ne Quraan e karim mein irshad farmaya..

* kafaron ne Hazrat e Ibrahim se sakht lehje mein kaha ke kya tum ne hamare maabudon ke sath aysa kiya hai aur hum zyada tar guman tum par he karte hain.. (Al_QuraaN)

Hazrat Ibrahim alysalam par ye log barabar zor de rhe the aur ye chahte the ke ke wo khud apni zuban se apne juram ko qabul karlen..

Lekin ye kam bazat e khud Hazrat Ibrahim alysalam Ka nahi tha balke ye kam to aus zaat e BARI TAHALA ki taraf se tha jisne Hazrat Ibrahim alysalam Ko Rasool bana kar bheja take namrud aur aus ke tamam sathi apne batil aqayed par na dam pareshan aur sharminda hon ..

Darbar e ILAHI Se Hazrat Ibrahim alysalam ko hukam hua ke aap in logon se keh dijiye ke kiyun Nahi itne bare maabud se puchte jo sub se bara hai aur ausi ke hath mein kulhara bhi hai

ALLAH TAHALA Irshad farmata hai

* Hazrat e Ibrahim ne aun logon ko sharminda karne ke waste aunse kaha ke ye cheez mujhse kyun puchte ho tum apne sub se bare maabud se kiyun nahi puchte agar wo bolne par qudrat rakhte hain to wo tamam majra aap logon ko bataye ga take aap sub is waqiye se mutmayen ho jayen.. (Al_QuraaN)

aunho ne nihayet he sharminda ho kar jawab diya ay Ibrahim alysalam but bhi kahin bolte hain Na wo na sunte hain na harkat karte hain na wo dekhte hain..

Jub Hazrat Ibrahim alysalam Ne apni qom se mayusi ki ye baten suni to apni sari qom se kaha ay meri qom jo maabud baat nahi karte aur na dekhte aur na sunte hain phir aun ko apna khuda kiyun kehte ho aur aunki ibadat karte ho ye kisi bhi aqalmandi ke khilaf hai zara to ghor karo ..

Hazrat Ibrahim alysalam ka ye jawab sun kar sari qom ne apna apna sar nicha karliya aur aapas mein kehne lage ye nojawan sach kehta hai aur baten iski bilkul sahi hain..

* Bole ba waja e sharmindagi ke sari qom ne apne apne sar niche karliye aur esi halat mein kehne lage ke ay Ibraheem ye tum jante ho ke ye nahi bolte.. (Al_QuraaN)

Phir Hazrat e Ibraheem alysalam ne apni qom ka mayoosana jawab suna aur ye khayal kiya ke sub la jawab ho gye hain phir is ke baad

* Hazrat e Ibraheem alysalam ne apni qom ko mukhatib karte huy farmaya ke ALLAH Ne mujhko Ye hukam kiya hai ke tum apni qom se keh do ke phir tum aysi cheezon ko apna maabood banate ho siwa e KHUDA WAND E QODUS Ke jo tumhara kuch bhi bhala na kar sake main to is maabood se bilkul bezar hun aur tum se bhi ke tum log kuch bhi samajh nahi rakhte. . . (Al_QuraaN)

Kiyun ke jin patharon ko tum ne apna maabood bana rakha hai wo to tumhare khud hathon ke banay huy hain is liye tum khud in ke khaliq ho..

Yahan ye baat sochne ki hai ke jise tum apna peda karne wala mante ho aus ki halat ye he ke ause hathoriyo aur rambiyon ya mukhtalif aozaron se mar mar kar apne hathon se tarashte ho . . Aur bewaqoofi ki inteha ke tum log ausi ko apna Bhagwan samet na jane kitne naam dekar aunki pooja pat karte ho..

Phir Hazrat e Ibrahim alysalam ne kaha ke ay qom agar tum ko aqal he to ausi Hasti ki ibadat karo ke jis ne tum ko peda kiya hai aur ye patharo ki but parasti chhor do ye kam bilkul fazul aur aabas he..

Aur tum ko sari umar ibadat karne ke bawajud koi nafa nahi pohnche ga ,

jub in kafaron se koi daleel na ban saki aur har bat mein wo nakam aur lajawab rahy to majburan aun ke sardaron ne Hazrat e Ibraheem alysalam ko mar dalne ki tajweez darbar e namrud mein pesh kardi


This page:




Help/FAQ | Terms | Imprint
Home People Pictures Videos Sites Blogs Chat
Top
.