pep.zone
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Multimedia gallery


hindi.gay.novel3.pep.zone

Meri Chaand-Raat Ki Subah 8

meri phat lee.

ab tak ek discussion, ek rehearsal saa chal rahaa thaa, aur mere man
mein kahin na kahin yah ummeed thi ki yah ek sapana hai jo abhi toot
jaayegaa. ye donon hansate huye "aaindaa mat karanaa" kah kar chale
jaayenge.

par ab wo ghadi aa gayi thi jab mere saamane ek jaan jaani thi.

meri aankhein phati huyi theen. main sakate mein khadaa huaa thaa.

pistaul ke meri haalat dekhi aur daantaa, "bhosadi ke. hosh mein aa.
kapade pahan aur bhaag jaa."

ab mujhe pistaul aur chaaku kaa dar nahin thaa. mainne use aur zor se
daant diyaa. "ek aadami jaan de rahaa hai, aur tujhe jaan bachaane ki
soojh rahi hai. itani phatati hai to dum dabaakar bhaag jaa."

meri aansoo bahane lage. mainne jaa kar jhuk kar apane chaand ke
maathe par ek kiss kiyaa, aur usake donon gaalon par apani donon
hatheliyaan rakh deen.

pistaul ne kahaa, "bhosadi ke. ungaliyon ke nishaan chhod rahaa hai.
police pakad legi."

mainne rote huye kahaa, "pakad legi to maar daalegi. tujhe kyaa. tuu
hi mujhe maar daal."

pistaul ne serious ho kar kahaa, "akkal nahin aaee? ishq ho gayaa hai isase?"

mainne rote huye kahaa, "haan." aur apane chaand ki donon aankhon par
ek-ek kiss kiyaa.

wo donon bade pyaar se mujhe dekhane lage. kyaa unhein mujhamein
apanaa bhaaee nazar aa rahaa thaa?

pistaul ne apanaa sar jhatakaa aur chaaku ko ishaaraa kiyaa.

chaaku ne chaaku ko chaand ki gardan se hataa diyaa, aur mujhe wahaan
se hataa kar thodaa door khadaa kar diyaa. usane mere peechhe aa kar,
mere haath mere peechhe kar ke, mujhe kas kar jakad liyaa aur chaaku
meri gardan par rakh diyaa.

main agar hilataa bhi to chakku meri gardan mein ghus jaataa. mujh par
phir se dar haavi ho gayaa. main patthar ban kar khadaa rahaa.

meraa chaand blade nahin chalaa paa rahaa thaa. usane blade apani nas
se hataa liyaa.

pistaul ne apani jeb se doosaraa khulaa blade nikaalaa, aur usane mere
chand ki kalaai pakad kar do waar kare.

mere chaand ki kalaaee ki nas se aadhaa incha kaa ek tukadaa kat ke
kaaleen par gir gayaa.

kalaaee se khoon ki dhaar bahane lagi.

mere chaand ki ek karaah bhi nahin nikalee. wo baithaa hairaani se
apane haath se bahataa khoon dekh rahaa thaa.

pistaul ne apane haath mein pakade huye blade ko apane pant ke
paayache ke bheetar ponchaa aur blade ko phir se jeb mein daal liyaa.

pistaul ne apani shirt se mere chaand kaa blade waalaa haath jakad kar
mere chaand ke haath mein pakade huye blade ko usi ki nas se bahate
khoon mein achchhi tarah dubaayaa. phir usaki ungali aur angoothaa
khol diyaa. blade neeche gir gayaa.

mere chaand ne "suicide" kar liyaa thaa. wo abhi bhi achambhe se apane
haath ko aur ham teenon ko dekh rahaa thaa. khoon ki dhaar bah rahi
thi.

thodi der mein chaand ke hosh kam hone lage. usaki aankhein band hone lageen.

pistaul aur chaaku mere chaand ko aur kaaleen par jamaa ho rahe khoon
ke dher ko dekh rahe the.

deewaar ghadi ki tik-tik sunaaee de rahi thi. meri aankhon se aansu
aur chaand ke haath se khoon bah rahaa thaa. isake alaawaa sab kuchh
bilkul tham gayaa thaa.

aur phir jab khoon kaa ek badaa saa dher kaaleen par phail gayaa, aur
nas se khoon bahane ki raftaar bahut dheemi ho gayi, tab pistaul ne
chaaku ko ishaaraa kiyaa.

chaaku mujhe le kar peechhe waale darwaaze ki or chalaa, jisase wo
donon aaye the. pistaul saath aayaa.

darwaaze par pahunch kar chaaku ne mujhe chhod diyaa.

pistaul ne mujhe zor se ek jhaapad maaraa.

main hosh mein aayaa, aur zor se kaanpaa.

pistual ne mujhase kahaa, "hosh aa gayaa? gaur se sun. ham jaa rahe
hain. abhi subah hone mein waqt hai. yahaan koi nahin aane waalaa hai.
soch le aaraam se. tujhe phansanaa ho yahin baith, yaa ring kar ke
khud hi police ko bulaa le aur phansi par chadh jaa. par akal hai to
bhaag jaa."

main haan mein sar hilaa thaa.

pistual ne kahaa, "par ek baat achchhi tarah samajh le. yah mar rahaa
hai. tuu ab ise nahin bachaa sakataa. hasptaal le jaane yaa doctor
bulaane ki qoshish ki to bhi yah to nahin bachegaa, too hi phans
jaayegaa. isase abhi aur choomaa-chaati karani ho to khoon se door
rahanaa aur isake marane ke baad isake badan se apane nishaan ponch
denaa. isane tujhe tabaah kar diyaa aur too hai ki abhi bhi isase ishq
kar rahaa hai. tuu bhi mere bhaaee ki tarah paagal hai."

phir usane mere sar par bade pyaar se haath pheraa. wahi haath jisase
usane poori berahami se abhi ek qatl kiyaa thaa.

pistaul ne darawaaze ki saankal kholi. wo donon baahar nikal gaye aur
seedhiyon ki taraf jaane lage. wo dikhanaa band ho gaye.

mainne darawaaze par sitkani lagaaee.

main daud kar chaand ke paas gayaa. usane aankhein band kar li thin.
usaki saans bahut dheere-dheere chal rahi thi. usakaa gulaabi cheharaa
ab peelaa aur safed padaa huaa thaa.

main khoon se bachataa huaa apane chaand ke chehare par jhuk gayaa aur
use paagalon ki tarah choomane lagaa. mainne badbadaataa jaa rahaa
thaa. "I love you. I love you. I love you. I love you. ..."

main ro rahaa thaa.

mere chaand ke munh se kuchh aawaaz nikali. mainne sar hataa kar use
dekhaa. usane aankhein thodi si khol dee theen. wo kaanpaa aur usane
atakate huye kahaa, "thandaa lag rahaa hai."

mainne idhar-udhar dekhaa. main kyaa karoon? mujhe heat conveyor
dikhaa. mainne daud kar usakaa switch on kiyaa. garm hawaa kaa ek
jhonkaa aayaa. mainne use mod kar apane chaand ki taraf kar diyaa.
mere chaand par garm hawaa padane lagi. usakaa kaanpanaa band ho
gayaa.

main phir do kadam daud kar usake paas pahunchaa. usaki taaqat kam
hoti jaa rahi thi.

main rotaa jaa rahaa thaa. main phir se use choomane lagaa aur
badbadaane lagaa. "I love you. I love you, chaand."

use phir thand lagi. wo zor se kaanpaa. mainne cheharaa hataa kar use dekhaa.

usane kai baar atakate huye, phusphusaate huye bolaa, "mere bhaai kaa
khayaal rakhanaa."

ye usake bole aakhiri shabd the.

main bhauchakkaa saa use dekh rahaa thaa. main usake bhaaee ko
jaanataa bhi nahin thaa. usane khud hi kahaa thaa ki usake bhaee ke
baare mein kisi ko nahin maaloom thaa. main usake bhaaee ko kaise
dhoondhoongaa?

usane meri hairaani samajhi.

usane apanaa haath uthaane ki qoshish kari, wo nahin uthaa paayaa.

usane apanaa cheharaa ghumaane ki qoshish kari, wo nahin ghumaa paayaa.

usaki aankhon ki putaliyaan ghoomeen.

aur phir ek taraf dekhane lageen.

mainne udhar dekhaa. wo ek steel almirah ko dekh rahaa thaa.

meraa ronaa ruk gayaa thaa. mainne do kadam daud kar us almaari tak
gayaa aur use kholaa. wo khul gaee. wo kapadon se bhari huyi thi.

mainne chaand ki or dekhaa ki ab kyaa karoon. wo mujhe hi dekh rahaa
thaa. nahin, wo mere peechhe almaari ko dekh rahaa thaa. almaari mein
kuchh thaa.

mainne kapadon ke beech mein jagah banaa kar dekhaa.

Almaari mein peechhe, neeche ki taraf kai hard disks rakhi theen.

meri samajh mein aa gayaa. mainne wo sabhi hard disk nikaal kar usake
doublebed par phailaa deen. 12 Hard disk theen.

main do kadam daud kar chaand ke paas pahunchaa.

mainne poochaa, "in hard disk mein tumhaare bhaaee kaa pataa hai?"

usane ek paar palak jhapaki. kyaa wo haan kah rahaa thaa?

mainne poochaa, "main inhein apane saath le jaaoon aur dekhoon?"

usane ek paar palak jhapaki. haan.

mainne sochaa aur poochaa, "kyaa inamein password hai?"

usane ek paar palak jhapaki. haan.

mainne kahaa, "password bataa."

usane munh kholane ki qoshish kari, wo nahin khol paayaa.

usane kuchh bolane ki qoshish kari, wo nahin bol paayaa.

usane putaliyaan hilaane ki qoshish kari, wo nahin hilaa paayaa.

usane palakein jhapakane ki qoshish kari, wo nahin kar paayaa.

usaki saari taaqat khatam ho chuki thi. wo mar rahaa thaa.

main phir rone lagaa thaa. he bhagwaan. ise ek second ki zindagi aur
de-de, taaki yah password bataa sake. taaki main usaki files khol
sakoon. taaki main isake bhaaee ko dhoondh sakoon. taaki main usakaa
khayaal rakh sakoon. taaki yah chain se mar sake.

main paagalon ki tarah use choomataa jaa rahaa thaa. main gidgidaa
rahaa thaa, "mujhe password bataa de, chaand. tabhi main tere bhaae ko
dhoondh paaoongaa. tabhi main usakaa khayaal rakh paaoongaa. main
waadaa karataa hoon ki main tere bhaaee kaa apani poori zindagi
khayaal rakhoongaa. par mujhe password bataa, chaand. I love you,
chaand. thodi himmat aur kar le, chaand. bas ek baar, aakhiri baar
aur, chaand."

usakaa badan aakhiri baar kaanpaa, aur wo behosh ho gayaa. hameshaa ke liye.

phir mainne usaki saanson ko rukaa mahasoos kiyaa.

phir mainne usake chehare ko thandaa hote mahasoos kiyaa.

meraa chaand mar chukaa thaa.

mainne dekhaa. usaki kati nas par khoon ki ek bond jamaa thi jo bahut
hi dheere-dheere badi ho rahi thi.

usake chehare par sukuun thaa. use "suicide" mein koi bhi dard nahin
huaa thaa, kam se kam jismaani dard to nahin.

usaki adhkhuli bejaan aanekhin meri taraf dekh rahi thin, aur kah rahi
thin, "mere bhaaee kaa khayaal rakhanaa."

mainne usaki palakein band karin.

main usake bhaaee kaa khayaal nahin rakh paaoongaa.
---

mainne do-teen gahari-gahari saansein leen. meraa dimaag saaf kaam
karane lagaa. meraa yahaan par phansane kaa, yaa police ko bulaane kaa
koi iraadaa nahin thaa.

mainne kapadon ke us dher mein se sabase neeche se nikaal kar apane
chaand ke ek jodaa kapade pahane. chaddhi, baniyaan kaa jhanjhat
nahin. sirf ek shirt aur ek jeans. mainne usakaa ek badaa saa cap
pahanaa.

oopar se mainne usaki wahi qaatil leather jacket pahan lee. wo jacket
usakaa sabase achchhaa ishtahaar rahati.

main usake raat waale joote pahan kar room mein har taraf khaamkhwaah
kuchh baar chalaa, taaki mere pairon ke puraane nishaanon ke oopar
naye nishaan aa jaayen, jo ki usake jooton ke hon. phir mainne usake
joote waise hi daal diye jaise usane raat ko daale the. phir mainne
...


This page:




Help/FAQ | Terms | Imprint
Home People Pictures Videos Sites Blogs Chat
Top
.