pep.zone
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Multimedia gallery


hindi.gay.novel3.pep.zone

Meri Chaand-Raat Ki Subah 9



sab normal rahaa. subah hostel mein kisi ne pichhali raat ke baare
mein mujhase koi sawaal nahin kiyaa, haan shabbir night ke baare mein
zaroor baatein huyin.

mere dinner waale dost ne agale din, nahin, usi din, mujhase poochhaa,
"der to nahin lagi room pahunchane mein." mainne koi routine jawaab de
diyaa jisakaa matalab na haan thaa, na naa. baat khatam ho gayi. aur
phir us raat kaa koi ziqr nahin huaa.
--------

monday ko hi exams kaa schedule declare huaa, aur sab doston ki tarah
main bhi sab kuchh bhool kar padhaaee mein busy ho gaye. isaliye agar
kisi ne mujhamein koi udaasi, koi chintaa dekhi bhi hogi to exam ka
asar samajh kar dhyaan nahin diyaa hogaa.

main chaand ki colony ki taraf phir kabhi nahin gayaa. main dinner
waale us hotel par bhi phir kabhi nahin gayaa. mainne station ke paas
se nikalanaa bhi band kar diyaa.

mainne chaand kaa bag, aur us raat pahane huye apane saare baahari,
bheetari kapade, cap, joote, moze, jacket kai raaton mein jaa kar
alag-alag ilaakon mein so rahe bhikhaariyon ke paas daal diye.

par main har roz ke akhbaar, nahin, newspaper kaa ek-ek konaa chaat
jaataa thaa aur apane chaand ki laash ki baraamadagi ki khabar
dhoondhataa thaa.

kahin koi khabar nahin thi.

meraa dar badh gayaa. police ne laash baraamad kar li hogi, aur zaroor
kuchh clue mil gaye honge, jisakaa investigation chal rahaa hogaa. har
aahat par mujhe lagataa ki police mujhe pakadane aai hai.

mainne daily ek ghante kaa yogaa aur meditation ka ek course join
kiyaa, jisane mujhe concentrate aur introspect karane mein bahut madad
kari. mainne apane chaand aur us qatl se dhyaan hataane ke liye
padhaaee ko sahaaraa banaayaa. main khoob jee lagaa kar padhaa.

mere exam achchhe huye. mainne apane batch mein top kiyaa. main bhi
baaki sabhi logon jaisaa aashcharyachakit thaa.

par kisi bhi newspaper mein chaand ki laash ki koi khabar nahin thi.
usi chakkar mein main exam ke baad ki chhuttiyon mein ghar bhi nahin
gayaa. kisi development course kaa bahaanaa maaraa, aur hostel mein hi
rukaa.

mujhe chaand ki hard disks kaa investigation bhi to karanaa thaa. main
unhein is beech dekh chukaa thaa, par unamein har file kisi aise
format mein code ki gayi thi jisake baare mein mujhe kuchh nahin
maaloom thaa. kisi site yaa company kaa naam tak nahin aataa thaa. har
file access karane par password poochhate thi, aur teen baar wrong
password dene par file password poochhanaa bhi band kar deti thi, aur
shaayad permanently locked ho jaati thi. jab do theen files aise hi
block ho gayin, to mainne hard disks ko rakhaa rahane diyaa thaa. ho
sakataa hai ki chaand ne kisi site se koi special software develop
karawaayaa ho.

chhuttiyon mein mainne net par encryption ke baare mein achchhi tarah
khojaa, par koi faayadaa nahin huaa. ab main usaki hard disk se files
pahale apane pc ki harddisk par copy karataa thaa, aur phir us par
research karataa thaa. yah copy lock hoti thi, par usake harddisk mein
padi original lock nahin hui thi.

mainne kaee password soch kar try kare. par mujhe chaand ke baare mein
kuchh nahin maaloom thaa. ek bhi file nahin khuli.

is sab study se ek faayadaa to yah huyaa ki encryption par meri Ph.D.
ho gayi, par ek bhi file nahin khuli.

main usake bhaaee ko nahin dhoondh sakaa.

main usaki aakhiri tamannaa nahin poori kar sakaa.

aur us study se doosaraa faayadaa yah huaa ki meri kai professors ke
bahut achchhi jaan pahachaan ho gayi. top karane se bhi main ek
celebrity ban chukaa thaa. koi poochhataa ki encryption par kyon padh
rahe ho, to main kahataa agale sem mein is par project le rahaa hoon.

chhuttiyaan khatam huyin. agalaa semester shuru huaa, jo engineering
kaa last semester thaa. mainne phir padhaaee mein dhyaan lagaayaa.

main akhbaar waise hi dekhataa rahataa thaa.
---------

chaand ki laash us raat ke do maheene baad baraamad huyi.

us bangale kaa umrdaraaz maalik apani beewi ke saath kuchh hi din
pahale apane bete ke paas Americaa gayaa thaa. banglaa khaali thaa.
agar koi aayaa-gayaa bhi hogaa to gate par kundi lagi dekh kar laut
gayaa hogaa.

us raat ke dedh maheene baad jab maalik aur usaki beewi waapas aaye to
unhonne main-gate par lage taale ko tudawaa kar pahale ki tarah
rahanaa shuru kar diyaa. chaand kaa room locked thaa. lights off
theen. bike rakhi thi. pahale bhi chaand kai din ke liye kahin jaataa
thaa. kisi ne koi chintaa nahin ki.

par jab pandrah din ho gaye, aur chaand nahin aayaa. tab unhonnge
ehatiyaatan thaane mein report darj karaa hi di. idhar-udhar
poochh-taachh karane par jab koi clue nahin milaa to police ne chaand
ke room kaa taalaa todaa.

chaand ki laash baraamad huyi

AC ki wajah se kamaraa air tight thaa, pataa nahin kitane par set
auto-off-on heat conveyor ne do maheene tak kamare ko itanaa garam kar
ke rakhaa thaa ki chaand ke badan se saaraa moisture nikal chukaa
thaa.

chaand ki laash egypt waali mummy ban chuki thi.

fridge mein rakhaa saaraa khulaa saamaan sad chukaa thaa.

usake net access, electricity wagairah ke saare payments usake bank se
automatically ho jaayaa karate the. mobile mein prepaid kaa sim thaa,
jisakaa koi bill nahin aataa thaa. mobile mein last calls details,
sms, address book sabhi blank the. nahin, mainne unhein delete nahin
kiyaa thaa. mujhe to maaloom bhi nahin padaa thaa ki chaand ke paas
mobile thaa yaa kahaan rakhaa thaa.

chaand kaa koi milane waalaa saamane nahin aayaa thaa.

poore room se koi finger, foot print yaa koi bhi major nishaan nahin
milaa thaa. na khud chaand kaa na kisi aur kaa.

chaand kab maraa yah maaloom nahin pad paayaa. waise police chaahati
to mobile company se last calls, yaa ISP se last access date, yaa
usake computer se last creation/access/modified date wagairah
investigate karawaa sakati thi, par unhonne nahin maaloom karaa.

shaq ki koi wajah thi bhi nahin. saaf-saaf likhaa suicide note mil
gayaa thaa, jo chaand ki haalaton par believable lag rahaa thaa.
sabako yahi maaloom thaa ki usakaa koi risthedaar nahin thaa. wo
kahaan, kyaa karataa hai yah bhi kisi ko nahin maaloom thaa.

dastkhat naam na hone par bhi suicide note ki writing, chaand ke
dasiyon documents se match ho gayi thi.

chaand wahaan Narendra Malhotra ke naam se rah rahaa thaa, aur usake
saare documents usi naam se the, driving license bhi, bank account
bhi, ISP account bhi, mobile prepaid bhi.

laash ki sookhi mummy mein lund kaa kataa honaa agar pataa chal jaataa
hogaa, to kisi ko dekhane kaa khayaal nahin aayaa hogaa, yaa agar kisi
ne dekhaa hogaa to aankhon kaa dhokhaa yaa kisi beemaari mein khaal
katawaaee maan kar dhyaan nahin diyaa hogaa.

Narendra Malhotra ki laawaaris mummy study ke liye government medical
college ko donate kar di gayi, jahaan use investigation ke baad aur
bhi embalm karke vacuum packed glass-case mein display ke liye rakh
diyaa gayaa. Narendra Malhotra ki mummy kaa maamalaa surkhiyon se hat
kar pichhale pannon par chalaa gayaa. haan, shahar mein Narendra
Malhotra par kuchh seminar huye jinamein intellectuals aur
psychologists ne is par khoob charchaa kari ki saari zinsi zarooriyaat
poori hone par bhi insaan ko ristedaaron, milane waalon ki kitani
zyaadaa zaroorat hoti hai.

Narendra Malhotra ki property kaa maamalaa usaki mummy ke maamale se
bhi zyaadaa dinon tak surkhiyon mein rahaa. policewaalon ne bahut
qoshish kari ki chaand ke room kaa saaraa saamaan police store room
mein "surakshit" rakhawaa diyaa jaaye.

par us bangale kaa maalik waqeel thaa. unhonne court se jaane kitane
stay order le kar Narendra Malhotra kaa ek bhi saamaan police ko nahin
le jaane diyaa. Narendra Malhotra ki laash ki baraamadagi bhi unake
chaar waqeel doston ke samane huyi thi aur wo apane handicam par poori
kaaryawaahi ki video recording kar rahe the. Narendra Malhotra ki
mummy par se angoothi, ghadi, noton se bhari purse jaisi cheezein bhi
waqeel saaheb ne police ko nahin le jaane di thin.

police ne waqeel saaheb par ilzaam lagaayaa ki wo Narendra Malhotra
kaa saamaan khud hadapane jaa rahe hain, par jo bhi ho, police
Narendra Malhotra ki koi khoti chawwani bhi nahin le jaa saki.

waqeel saaheb ne Narendra Malhotra kaa saaraa saamaan achchhi tarah
pack karawaa kar bangle mein ek store room mein rakhawaa diyaa, aur us
manhoos room ko tudawaa diyaa.

Narendra Malhotra kaa maamalaa akhabaaron aur janataa ki yaadaasht se
gaayab ho gayaa, siwaay meri yaadaasht ke.

ek baar mainne sochaa ki pistaul aur chaaku wo sab sun kar bahut khush
huye honge aur mujhe thank-you kahane ke liye hi mujhe dhoondh rahe
honge. meri phat gayi.
-------

chaand kaa leather jacket main kisi ko nahin de paayaa thaa. main
apanaa room band kar ke use pahan kar baithataa thaa aur mahasoos
karataa thaa ki chaand mujhase lipataa huaa thaa.

ladakiyon mein meri saari ruchi poori tarah khatm ho chuki thi. nahin,
mainne kisi ladake se bhi sexual relations nahin banaaye the. main
sirf chaand kaa thaa. lund khadaa hotaa thaa to main nahaate samay
apane haath ko chaand kaa haath samajhkar mutth maar letaa thaa.

meri padhaaee bahut badhiyaa chal rahi thi. ab to topper hone ki
reputation bhi maintain karani thi. mainne final sem ke project mein
encryption par hi project kiyaa.

mainne foreign universities mein scholarship ke liye apply karaa. kai
professors ne mujhe bahut achchhi recommendations din. mujhe US ki ek
jaani-maani university mein M.S. karane ke liye full scholarship mil
gayi. binaa scholarship ke to meraa foreign mein kyaa, india mein hi
M.E. karanaa sambhav nahin thaa. papa-mummy soch rahe the ki main BE
karke job karoongaa, par jab foreign ke free scholarship mili to
unhonne bhi kahaa ki jaa padh le.

final exams huye. mainne phir se top kiyaa.

college chhotaa.

mainne is shahar ko hameshaa ke liye alwidaa kahaa. kuchh bhi ho
jaaye, main yahaan kabhi waapas nahin aane waalaa thaa.

kuchh din ghar par rah kar, main US chalaa gayaa aur padhaaee poori
kar ke do saal baad India waapas aayaa.

mainne chaand ki hard disk apane ghar par rakh di thin, par unaki
kaafi files net par apane ek email account mein upload kar di thin,
jinhein download kar ke main research kiyaa karataa thaa. par ek bhi
file nahin khuli ...


This page:




Help/FAQ | Terms | Imprint
Home People Pictures Videos Sites Blogs Chat
Top
.