pep.zone
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


vapual...etc
jsjama.pep.zone

MIPHUN TIMI HI ZIANG A SI?

By - Salai Lal Rem Lian



Ka ngan lo ding ka ti na-in ngan lo in ka um thei nawn lo. Ziang a si ti le kan nih kan laimi hi kan tawngkam hman dan le kan tlanlennak ih ka hmuh thei mi pakhat cu ziang a si ti le, kan miphun si nak hi kan thei ciang aw lo a si pei maw ti ruahnak in hmuh tu a um.
Kan nih Falam peng ih um mipawl hi ka mang in ti bang nak tawngkam um mi cu ziang a si ti le, kan nih cu falam miphun kan si ti tawngkam hi a si. Kan umnak kipah kan tawng tlangpi mi bik khal a si thlang. Kei cun hi mi tawngkam hi kan thin thei a si ahcun lungawi um ka ti zet. Laimi kan sinak hlon tum ih tawng suak theu khi kan bang ih miphun dang ih inhmuh dan ah a mawi lo thei zet in ka hmu. Falam ti mi cu Laimi in ih kan khawpi hmin men a siih kan miphun le kan sinah sawn cu Lai tihi a si. Cu ruangah kan Laimi pawl kan tawngkam hman kan ralring theu pei uh. Falam in miphun a nei lo ih lai lawngin miphun a nei. Lai miphun kan si tihi kan tawng ding le kan sinak tak a si sawn.

Falam mi maw na si laimi an lo ti can ah kei cu laimi ka si tihi kan tawng ding le kan sinak tak a si sawn na ti ve lo maw?. Sermon nak le titi nak vekih falam miphun, kan Falam mi ti vek khi tawngkam theih ding a um theu. Falam ti mi cu kan khawpi hmin a siih miphun tinak a si lo. Lai mi khawpi pawl lak ih khawpi pakhat hmin men a si. Cu ruangah falam in miphun a nei thei lo. Falam neitu cu Lai miphun pawl kan si sawn. Kan sinak kan thei-awk fiang ah cun, kan sinak hi kan tawngkam ah khal hmang theu seh la, a mawi nan ti ve lo maw? Kei cu Falam miphun tiloin kei cu Lai miphun tihi hmang tlang aiau thei theuh seh la. kan tawng canah khal Falam tawng tiloin Lai tawng tihi hmang tlang thei ciau seh la, ziang tluk in a mawi ding ka ti theu. Miphun ti mi cu khaw hmin vek men ih kawh theih a si lo. Hi hi kan miphun duhsaknak thawn tialmi a si.


Falam mi maw na si Laimi ? Kei cu Laimi ka si.

By; Salai; Lal Rem Lian




This page:




Help/FAQ | Terms | Imprint
Home People Pictures Videos Sites Blogs Chat
Top
.