pep.zone
Welcome, guest. You are not logged in.
Log in or join for free!
 
Stay logged in
Forgot login details?

Login
Stay logged in

For free!
Get started!

Text page


phpthumb
jsjama.pep.zone

Hmangaihna Vanduai- ll

Liana chu karleh Nilai ni-ah an khua chhuahsan a,
Malaysia kal tur’n, Rangoon khawpui a pan tawh dawn a vang’n, Mami chuan, “Liana, cawlhni chu Satawm ah DMYA inkhawmpui chhim dun ang hmiang, kan vanglainite hi Lalpa kan Pathian tan kan theihtawk chhuah in, kan phaktawkah kan inhmang tur a
ni lawm ni, Engnge i ngaihdan?” ti’n a zawt a, Liana chuan “nang’n i tih miau si chuan, i thu ka hnial lai i hre ngai mi? Kan kal anga nimai lawm”, a tih chuan Mami chu a hlim hle a. “A nih chuan hla fingkhat tal lo inring thei la, Pathian ropui nan, a ţha ang em” ti-a a zawh takah chuan, hmmm… ” i zai leh ka zai ve ang” ti’n Liana chuan mitsiai zeuh chung’n a lo chhang a. Inkhawmpui chu an kohhran upa leh Pastor-te nen, an Biak ina ţawngţaina an hman hnuin, hlim takin an kal chhuaka, Mami te pahnih pawh chu, hma-a an kal leh umphak theih loin an kala, hnunga an kal lahin tumah umpha thei loin an kala, kawngtluang’n an hlim dun hle a ni. Tuiphei leilawn a thlen chuan Liana leh Mami chu leilawn chungah an ţhu duna, “enteh Mami ka hmangaihna che chu, Tuiphei lui ang hian, kang ni nei loin i hnenah a luang lut reng ang” ti’n Liana chuan Mami chu a hmangaihna a hlan a. Mami pawh’n keipawh
Tuiphei tui a luan kir hma loh itan ka rinawm ang” ti’n a tiam
ve leh te te a. Insi riala an ţhut lai chuan, an ţhutna leilawn chu a rawn sawi nghing ta dawt dawt a, Mami hlau lutuk chuan Liana chu nghet taka pawmin a awmah a bei ta thlap! Chu tihlai chuan, “Ehem…” ti a awthian ri an hria
a, hnung lam an han hawi chu an Pastor pa in leilawn a rawn zawh sawi hi lo ni in, Mami zak lutuk awm ngaihna hre lo chuan, Liana awm chu a chum thûm ta awk awk a, zahzelah “ii ii ii ii… kan lo nghak che a nia” ti’n Liana chuan a lo ti ringawt a. Inkhawm dar a rawn rik ve leh an Pastor chuan “khai le, a rualin kan kal anga, tumah kalbo loin a rualin kan ţin za dawn nia” ti’n a chah mawlh mawlh a. Mami leh Liana pawh khawkhat tlangval hmelţha leh nula hmelţha, chhuantawlol an nih ang’n, a mawi thei ang berin an inchei a, an khua (Vang khawpui) chawimawitu nih tumin Pastor rualah inkhawm an kal ve ta. Chairman rawn dingin, an programme indawt’n an kal zela, “tunah chuan zaia rawngbawlna min neih sak turin, Tv. Lalhmingliana (Liana) i lo sawm ang” a tih ve leh, mipui chu an phun ta mur mur a, nula ho chu an in sik ruu a, i la hre nange Liana an tih, Hualngo tlangdunga tlangval hmel ţha ber an tih sup sup…, Awiha an sawi chiah ka lo hre ţhina amah hi ka vawikhat hmuhna tur a ni. Nia, i hmu ngai lo ang, Falam ah school kalin a awm renga, nikum khan, 4 Distinction in pawlsawm a pass a, hmel ţhatna choh a ni lo! Falam ah pawh a zaithiam em avang’n a lar hle an ti asin. Mahseh, a nu leh pa te’n zirsan in awmzia a nei tawh lo em mai ti’n, Malaysia ah kaltir an tum tih ka lo hria a….! Saw saw saw enteh a lo kal, uiha a va’n hmelţha em ems… “Ka star bontop” ka ka ka… Vang khawpui timawitu Liana a rawn din chhuah zet chuan, mipuite chu thereng hem thlak ang’n an reh ta ţhuap mai! Ka hla rawn sak tur chu “I vanglai in i siamtu hrereng rawh” tih hla a ni ang ti’n rilru leh tihtak zetin thiam taka a han sak chu, mipui rilru a hneh hle a, kut beng’n an lo ding ţhup mai. A tawpna ah Lalpa’n ropuina chang rawhse tia atawp a khar chuan, an Amen rual ţhup a, mipui kutbeng pawh thlakthlakthlak…ti’n… Khawm an ţiak chu mipui’n Liana chu an chibai ta sup sup a, nula ţhenkhat in chibai inchuh in, an phili chiam a, an chibai rualin a kutphah ah signal an pe zeuh zela, a tawpah chuan a kut a pilh ta! Mami pawhin ahai lova a thikthu pawh a chhe hle a ni. Mahse, chu tiang zozai nula in an hel lai ah a hmangaih ber chu keimah ka ni, tih a inhriatna chuan a ti hlim hle thung a ni. Kum 1995, May ni 16, thawhleh zan chu, ni 17 (a tuk) ah Liana’n chuan Rangoon a pan tawh dawn a vang’n Liana chu a bialnu Mami te inah rîm turin a va lenga, zan a rei tial tiala thla lah chu a engno tulh tulh bawk nen, an lung a leng sa ru hle a, an hlim tak tak thei lo. Mami te leika ah chuan an pahnih in, thla êngno raih hnuaiah an ţhu duna, Liana chuan “ka boihte, inthlah nan CFL-a hla (intawng leh ngei ang) tih kha, kan sa dawn ami?” a ti a, Mami pawh in itan thinlung leh tih tak zetin ka lo sak ve dawn nia” a ti a. Liana chuan, a guitar chu mawi takin a han perh a, an pahnih chuan an zai tui hle a ni. “Pawna awm chu ka tan a mawi lo e, inchhungah ţhu lut tawh ila…” ti’n a sawma, Liana chuan a hnial ngam bik lo (Chutih lai chuan lenghnar Ar tepawh an rawn khuang). An pahnih chuanin, ţhenna kawleng tur ngaingam loin an ţap an ţap a, chutia an inkuah lai chuan, Liana chuan Mami chu duhthawh em em chung’n a fawp ta a, in sum zo loin, mutpui a tum ta a! Pathian ţihmi Mami chuan, thawk leh khatah Liana hmaiah tak chuan “phak” ti’n a beng ta ţhuai! Liana chuan “Mami ka hmangaih ang che in, min la hmangaih lo a ni maw?” tia a zawh ve leh Mami chuan “Liana ka dam chhung’n ka hmangaih reng ang che, ka taksa leh thinlung zawng zawng tepawh itan chuan engmah ui ka nei lo. Mahse, kei chuan pasal ka neih hma zawng chu sex hman ka tum lo. A Pathian thu lo tlats. Chu bakah dan khatna a, nang nena inneih ka lo tum a sin” ti’n a hrilh a, Liana chuan “ka hrethiam e, ka tihpalh, min ngaidam rawh, KŢP hruaitu ka nihna aţang pawh in, ti lo tawp tur ka ni asin le. Mami i rilru a puitling khawpmai, naktuk zin tur nen, khâm lo chung chung’n haw zai ka rel tang nge, mangţha ţha le…”
“Awle, ka duhlai nang pawh mangţha mai le, naktuk chu ka rawn thlah dawn che nia…” ti’n an in thlah liam ta…. Chumi zan chu an pahnih in, an muhil thei lo. May ni 17 ni chu kawl a lo eng ţan ta! Lianate chhung chu ţawngţai inkhawmna neiin Liana tan hunserh pawimawh an hmang tê tê a, tukţhuan an han eikham zet chuan, Mami pawh an varanda ah Liana thlah turin a lo nghak reng tawh a. Vang khawpui chhuahsan chu hreh hle mahse, Liana chuan a nu leh pate thu a hnial ngam si lo. An kawtchhuah ah chuan khuanu khuapa leh a ţhianrual duhtak takte chuan thlah turin an lo nghak ţhup mai. Khuanu khuapate chuan, “kan khaw timawitu leh chawikângtu i nihna hi, chhawmnung zel la, kan khua leh tui kan ram hi, ramthumna i thlen thlengin rawn theihnghilh suh ang che. Zuk leh hmuam, ruihhlo chi hrang hrang lakah inthiar fihlim zelin, i rinawmna, i tlawmngaihna leh i tumruhna erawh, huaisen takin dinpui zel
nang che. I awm/thlenna hmun apiangah kohhran bel la, i Pathian ţih chungin awm reng ang che. Nula lepler leh zu leh sa chen hi, boralna lamtluang tih hre kar la, mite tana malsawmna nih tum tlat ang che. Tin, i thlenna hmunah zofate hnam chihrang hrang’n hnam feeling-na nen kawng engkimah hma an lo la maithei! Chung karah pawh ngaihtuahna fim tak nei in, zau
takin thlir la, a chingbing zawnga rorelna chu hnawl ngam tlat ang che. I hlawhtlin hunah sappui mingo karah i zuihral loh nan, kan ram ngei ah thangchhuahna diar khimin, lo haw leh la, lawmna parţhi mawitak nen kan lo hmuak dawn che nia. I hlawhtlin nan, duhsaknak sang ber ka hlan a che”, ti’n an kohhran Upa pakhat chuan a thlah a, midang
zawng tepawh in mittui nen an vailiam ta… Chutah Mami chuan, afalin a thlah a, “Liana rinawm takin ka lo nghak ang che nga, rinawm takin ka tan lo haw leh hram rawh aw”, ti’n mittui nen a hlan a, Liana pawh in, ka boihte min lo nghak hrâm hrâm la, rinawm takin itan ka lo let leh dawn nia”, ti’n a chah ve mawlh mawlh a, an ţhutna hmunhmunah chuan Liana’n zaizawng kung a phun ta a, “he
zaizawng hi, min hriatreng nan min lo humhalh sak bok dawn nia”, ti’n Liana chuan a chah a. Engpawh nise, ka kal a hun ta, kan vang khawpui a kan intawh leh hma loh zawng, mangţha mangţha, muttui… ti’n, an inthlah liam ta. Mami chuan, a lang theihna tlang a liam thleng’n, a rawmol a vai tak liap liap a…!


This page:




Help/FAQ | Terms | Imprint
Home People Pictures Videos Sites Blogs Chat
Top
.